Phili 4 | Ndebele | STEP | Ngakho, bazalwane bami abathandekayo labalangathwayo , intokozo lomqhele wami, manini liqine ngokunjalo eNkosini, bathandekayo.

Philippians 4

UPawuli ubeluleka ngokuqina langokuzwana ekholweni

1 Ngakho, bazalwane bami abathandekayo labalangathwayo ^a, intokozo ^{b
,} ^c lomqhele ^{d
,} ^e wami, manini liqine ^f ngokunjalo eNkosini, bathandekayo.

2 Ngiyamncenga uYuwodiya, njalo ngiyamncenga uSintike, ukuthi babe lomqondo munye ^g eNkosini. 3 Ngiyakucela-ke lawe, mnakwethu oqotho ^h, siza labo abesifazana, abasebenza kakhulu ⁱ kanye lami evangelini, kanye loKlementi, lezinye izisebenzi kanye lami ^j, amabizo azo asencwadini yempilo ^k.

4 Thokozani eNkosini njalonjalo ^l; ngiyaphinda ngithi: Thokozani. 5 Ukubekezela kwenu ^m kakwaziwe yibo bonke abantu. INkosi iseduze ⁿ. 6 Lingakhathazeki ngalutho ^o, kodwa ezintweni zonke, izicelo zenu kazaziwe kuNkulunkulu ngomkhuleko ^p langonxuso ^q kanye lokubonga ^r, 7 lokuthula kukaNkulunkulu ^s, okudlula ukuqedisisa konke, kuzalondoloza inhliziyo zenu lemicabango yenu ^t kuKristu Jesu ^u.

8 Elokucina ^v, bazalwane, konke okuliqiniso, konke okuhloniphekayo ^w, konke okulungileyo, konke okuhlambulukileyo ^x, konke okuhle, konke okulodumo oluhle ^y, uba kukhona okuhle njalo uba kukhona okudumisekayo, nakanani ngakho lokhu; 9 lelakufundayo ^z njalo lakwemukela ^aa futhi lakuzwa laselikubona kimi, zenzeni lezizinto; loNkulunkulu wokuthula ^ab uzakuba lani.

UPawuli ubonga isipho abasithumezela kuye eRoma

10 Kodwa ngathokoza kakhulu eNkosini, ukuthi khathesi selize lavuselela ukunginanzelela ^ac, ebelinanzelela kambe ^ad, kodwa laswela ithuba ^ae. 11 Kakusikho ukuthi ngitsho mayelana lenswelo ^af; ngoba mina sengifundile ukuthi ngeneliswe ^ag ezintweni engikuzo. 12 Ngiyakwazi konke ukuthotshiswa, futhi ngiyakwazi ukuba lokunengi kakhulu; kukho konke lezintweni zonke sengifundisiwe futhi ukusutha lokulamba ^ah, lokuba lokunengi kakhulu lokuswela. 13 Ngingakwenza konke ngoKristu engiqinisa ^{ai
,} ^aj. 14 Kodwa lenze kuhle ngokuhlanganyela ekuhluphekeni kwami ^ak. 15 Liyazi futhi lani, beFiliphi, ukuthi ekuqaleni kwevangeli ^al, ekusukeni kwami eMakedoniya ^am, kwakungekho bandla ^an elahlanganyela lami endabeni yokupha lokwemukela ^ao, ngaphandle kwenu lodwa; 16 ngoba laseThesalonika ^ap lathumela ekusweleni kwami ^aq kanye njalo laphinda. 17 Kungesikuthi ngidinga isipho ^ar, kodwa ngidinga isithelo ^as esengeza isikhwama senu. 18 Kodwa ngemukele konke njalo ngengezelelwe ^at; ngigcwele, ngengikwemukele kuEpafrodithu ^au izinto ezivela kini, uqhatshi olumnandi ^av, umnikelo owemukelekayo ^aw, othabisayo kuNkulunkulu ^ax. 19 Kodwa uNkulunkulu wami uzagcwalisa ^ay yonke inswelo yenu njengokwenotho yakhe ^az ebukhosini ^ba, kuKristu Jesu. 20 Akube-ke kuNkulunkulu loBaba wethu ^bb udumo kuze kube nini lanini ^bc. Ameni.

Isicino

21 Bingelelani wonke ongcwele okuKristu Jesu. Abazalwane ^bd abalami bayalibingelela. 22 Bonke abangcwele bayalibingelela ^be, kodwa ikakhulu labo abendlu kaKesari ^bf.

23 Umusa ^bg weNkosi yethu uJesu Kristu kawube lani lonke. Ameni.